Aum Schef-Baakblodz hosald a Dauwal umanaund und wippt midm Kopfal. Da oide Boatia, den sein Nauman ma koana nu sogn hod kenna, siagd nix davo, dabei sachad a direkt hi vo seim woamen Kammal. Da oide Boatia – soweid meine bisherign Rescheaschn – sitzt jetzt im Wagner-Jauregg, haugald auf da Bettkantn in an Zimma, nu kleana ois sei Boatiasloschn, und schdiad aun d’Waund, ois sachad a doatn, iagndwo auf da weißn Waund, des Dauwal vom Schef-Baablodz oda d’Sun, wia s’aufgehd iwa de Biroheisa und Industrie-Hoin.